=============احزان شجرة =========
###################################
لسه باقى شجرة واقفة
تسال العشاق بلهفة
نفسها مرة تلا قينا
تستلف دفنا من ايدينا
تنده الماضى يجينا
لما اعدى جنب منها
القى اوراقها تنادينا
لسه واقفة ترمى ظل
وتناجينا
رغم قسوة الزمن
وردها لسه فى ايدينا
رغم ان العمر عدى
لسه بتقاوم جفافها
والفروع والورد فيها
والحياة النبض ليها
رغم احنا فى خريفها
الورق كاتب رسايل من حروفها
والعصافير كل يوم بتروح تزورها
عشرة ومحبة
شمس لسه حافظة نورها
وذكريات بتزين فروعها
كنا نشبع لما يحضنا توتها
كنا نفرح لما تضحك
او رياح الخريف تزود من سكوتها
لسه واقفة تشتكى وحدة ظروفها
اللى كانوا بيحلموا يسمعوا نغم زهورها
ويبنوا عش الحب ويناموا فى صدورها
كلهم راحوا لغربة
لما حسوا ان راح ربيع عصورها
كلهم راحوا لغربة
ينعوا احلام كل يوم راح تزورها
=================محمدعبدالمقصودداود
ليست هناك تعليقات:
إرسال تعليق