مستحيلأوعى تفكر لينا رجوع
أصل الجرح نزيفه بحور
و احنا مكاننا ف نفس اللحظة
ماتت بينا ورود وزهور
فرحة وراحت ولا على بالك
كسرة قلبي و جوه الروح
ويا. بُعادك ضاعت مني
كل الدنيا. مكانها جروح
لما قرارك جه بفراقنا
غرقت روحي ف موج وبحور
كل دروبي خطاوي حزينة
فيها الشوك والحزن بذور
تيجي ف بالي و أحاول أنسى
أصل قساوتك فيها غرور
نومي هجرني و دمعي غلبني
علي عتباتي الجرح ينوح
وأنت قُصادي بأشوفك ضربة
وجعت قلبي. بهدم صروح
نفسي ما بيني وبينك أأقفل
كل بيباني منين ما تروح
أرجوك إبعد أكتر و أكتر
ده مفيش بينا طريق مفتوح
بقلم الشاعرة / صفاء الخواجة 
ليست هناك تعليقات:
إرسال تعليق