الرد على قصيدة الشاعر المتألق سمير محمود
أنا قلبى بجد ماهش آسف
ولا جرح فراقك بقى نازف
قفلته خلاص بشوية بن
اصل أنت هواكى دا كان طيشة
ومالهش أساس ولا تعريشة
كان هش وأضعف م الريشة
كان حمل تقيل أتقل م الطن
وماسبش فراقك ولا غصة
أنا برة صفوفك والرصة
داس فيا خداعك واتوصى
ولمحت سرورك لما بءن
ازاى عايزانى أكون تابع
أو دبلة فى أيدك فى الصابع
أنا همشى وهفتح ع الرابع
واكتب قوانين الفرقة واسن !
@@@@@@@@@
هيام الشهاوى
@@@@@
ارتحت خلاص خدت بتارك ؟
احكيلنا كمان ع اللى جرالك
أعلنت غضبك مش آسف؟
اتحمل اللى هيجرالك
اسمع بقى يابو قلب جرىء
انت اللى كنت فى حبى غريق
أنا عمر قلبى ماحس هواك
احساسى بيك كان بس صديق
عمال بتنكر ليه فى هواك
وتفش غلك وقت الضيق
أنا عمرى قلت إن انا بهواك ؟
أنا من خداعك قلبى بريء
ماتفوق لنفسك يابن الناس
أنا عمرى مبادلتك احساس
ايه ذنبى لو حبيتنى فى يوم
عمال تجيب على قلبى اللوم
حبيت تعيش دور المظلوم
عايز تروح ماتروح وخلاص
حبك ياروحى مالهش أساس
ولا كانش فيه ذرة احساس
خدعت نفسك ليه ماتقول؟
أنا كنت فاكره انك حساس
ماعلهش بقي خيرها ف غيرها
أصل القلوب كتر خيرها
فى الحب بتراعى ضميرها
قفلت بيبانها بميت ترباس
بقلم هيام الشهاوى
ليست هناك تعليقات:
إرسال تعليق