ياغالى ..كلمات االشاعرة .. عبير الصلاحى

 

كل لحظة..

وإنت زي ما إنتت غالي.

.. أيوه آه مانتاش قبالي..

بس لسه نبض قلبك

شهده بيحلي الليالي...

لسه صوتك جوه روحي

أذان بيأذن ..

كل حرف من حروفه

بيقول تعالي...

لسه نظرة..

أحلى عين حضنت ملامحي

سارقة رمش العين

وطايرة في العلالي..

.لسة برده عبير هواك

عطره بيبدل لي حالي.

.بيشيل همومي

.يحلي يومي

.يأخدني للشط اللي خالي

.بكل همسة.وكل لمسة

.وكل بسمة من شفايفك

بكل حاجة وهبتها لي...

عمري ماهأعوضها بعدك

.عمري يا حلم الليالي.

.النهاردة لقيتني فجأة

ماسكة طرف الخيط

وساحبة كل ذكرى معاك قبالي

..وقاعدة أفصص كل حاجة.

واحدة واحدة وبهداااااوة.

أحضن اللحظات

بغمضة عين حزينة

ودمعة بتصبر لي حالي..

آآآآه يا عمري

على اللي ضاع من بعد هجرك .

. أيوه عمري ما يوم راح أنكر

إني....

بأتندم يا غالي

بقلمي عبيرالصلاحي

من ديواني تعال أما أقولك.

.."عبير"