ماليش حد _________بقلم /السيد حسن .

 

ماليش حد

_________

حبيبي أنا ..

مشتاقلك بجد ..

وحداني ف بعدك .

وماليش حد ..

جبال الصبر عندي خلاص ،

بقت تنهار ..بقت تتهد ..

مات القلب والأحساس !

مابقتش ف أحزاني بعد !!

ماشفتش بعدك حنية .

غابت نجوم لياليا ..

كل شئ طعمه أتغير ،

حتى ملامحي بقت مش هيا !!!!

ياحضن كان بيدفيني .

ياعشق عمري وسنيني ..

ياضحكة كانت بتنور ،

حواليا الدنيا وتواسيني ....

ماكنتش أبدا أتصور .

يجي يوم وعليك قلبي يدور ..

أو اعيش من غيرك لثواني ،

أو إنك تأسى وتتهور !!!!

وبإيدك تدبح أحلامي .

ياما كنت بقولك ف كلامي ..

خايف على فرحتي من بكره ،

أصحى ومتبقاش قدامي !!!!

حبيبي انا ...

مشتاقلك بجد ...

وحداني ف بعدك ...

وماليش حد ...

جبال الصبر عندي خلاص ..

بقت تنهار ..بقت تتهد .....

بقلم /السيد حسن .