المسحراتي ) الحلقة ١٩ ...... للشاعر .. هانى نبيل

 

( برنامج المسحراتي )

الحلقة ١٩ .........

اصحى يا نايم يللا قوام..

قوم اتسحر و ارجع نام...

دا اللقى نصيب..

ادينا التقينا..

نتفق مع بعضينا .. نعمر بلادنا

من اسوان لسينا

و نحمي الحيارى..و نصنع حضارة..

و كل المبدعين أصحاب المهارة..

دا كل المحرومين دايقين المرارة..

غلبانين و مساكين بيشقو بجدارة..

اصحو يا نايمين .. افتحو الستارة..

الناس مطحونين من ظلم التجارة..

و قلوب مجروحين من همسة و إشارة..

فين ضميركم فين .. قيسولو الحرارة..

كوارث البشر بتبدأ شرارة..

بعدنا عن دينا ليه و فيه البشارة..

و فاكرنها همة و نباهة و شطارة..

هتسحر معاكو..كضيف ف العمارة

واحشني سحوركم لو فول أو بصارة..

و القاعدة معاكم موصوفة استشارة ..

و نركع و نسجد و نصلي استخارة ..

كدا الذكر يحكم يا بخت السهارى..

و تبقى بيوتكم للإسلام منارة..

.......

و رمضاااااان كريييييييم

( إمضاء ابو رنيم )