إوعى ف صبرك تبقى مثالى
مانتش ناعسه ولا أيوب
مهمن كان إحساسك عالى
بكره أكيد ح تكون مغلوب
راجع نفسك يوم واسألها
وان أخطأت ف يوم ونسيت
ربك فاتح باب التوبه
بس ياريتك يومها تتوب
حاول دايما لما تفكر
إوعى يتوه عن بالك أبدا
عند المولى هناك مكتوب
مانت بجد أكيد إنسان
ليك أخطاء وبتغلط حتما
ممكن يومها تكون مغلوب
إرفع إيديك قول للخالق
آخره مره يارب سامحنى
عهد أخذته ف يوم على نفسى
لازم يومها بجد أتوب
[] نبيل الوردانى []
ليست هناك تعليقات:
إرسال تعليق