انا مش راح اموت
عمرالبعد ماهيكسر حسي
ولا أخرة وجعي هيبقي سكوت
يمكن أتوه
يمكن حرفي يعلن رفضه
يحزن حبة
حبة بحبة
لما احس بنفسي
بسرعة الاقي احساسي يعود
صاعبة حبيبتي
اموت بغيابك
حتي لو مت
مش معناه حروفي تموت
اقولك حاجه
مليون حاجه وحاجه
يوم بيقرب
ويوم بيعدي
كل الايام هتفوت
هو الميت بعد مايتكفن
لازم يسكت
لازم يرقد مزروع بتابوت
اخلعي يلا توب الفرقة
اوعاك مرة تحسي الحرقة
فرقة بحرقة
اطلعي برة حدودك مرة
حاولي مرة تفكي قيود
اخرجي يلا من باب حزنك
اصل اللي مابيني وبينك
عالم تاني
حرفي اتعود كل مايتغرب
يرجع تاني
وكل مااحاول اهرب
اقرب
وارجع احن تاني وتاني
عارفه ياحسي
اه لو مرة تحسي
إن شعوري ديما ليك
حتي لو احساسي لنفسي
عمر مااحساسي بنفسي
لا هيتغير
طول مابحسك
عمري ماهموت
احمدعبدالحق
ليست هناك تعليقات:
إرسال تعليق