المسحراتى ..لحلقة ١١.....للشاعر .. هاني نبيل

 

الحلقة ١١.........

نجوم الليل بتسألني ..غناي ليه مسهرني..

و ليه البحة في صوتي..

نغمها كتير يلازمني..

على الأحوال أنوح و ابكي..

ف ميت موال لمين اشكي..

معدش الطيبة و التقوى

بقت بالظلم و القسوة ..

و مين يشتري الواسطة..

و ياخد حتة م التورتة..

أنا مطحون هنا يا اسطى

و مستنيلي على غلطة..

كأني بنادي في مالطة..

بداوي الضغط بالجلطة..

.....

يا ناس فاهمين.. نلم الشمل نتقرب

بدل ما الحلم يتسرب

و نتباعد و نتغرب..

ما نجيش على أمل لينا

نحس الحب وسطينا..

دا طوق نجاه و بيه تنجح مساعينا..

و جهد كبير عشان الخير يدفينا..

من التوهة اللي تلهينا .. من الهم اللي مالينا..

....

بلاش ننسى و نتغافل..

و نهمل كل شيء حاصل..

و نسمح للعدو السافل..

يفرق بينا ف محافل..

يحاول يضحك علينا..

أكيد عارفين.. وصلنا لفين..

ما تصحي يا عين..

نجوم الليل بتدعيلي..

أصون الميه في نيلي..

أعود أهلي و جيلي..

على الفرحة ف مواويلي..

تشفينا و تكفينا..

و تسعدنا و ترضينا..

.....

و رمضاااااان كريييييييم

( امضاء ابو رنيم )