المسحراتي .. (الليلة التاسعة) 
________________
كلمات : بهاء الدين بدوي
~~~~~~~~~~~~
إصحى يانايم .. وحد الدايم .. اصحى ياعب معبود ..
خلي اتكالك على الله .. دا ربنا موجود ..
باأبدأ كلامي بسلام .. عليكو ياصايمين ..
والسلام دا تحية .. والرد فرض ودين
مسحراتي ومزارع .. وباأزرع البساتين
مصري وباأعشق ترابها .. وأهلها الطيبين
ولما أرضي تطرح .. وأحصد القيراطين
أفرح وابيع محصولي في السوق للبياعين
والرزق دايماً ييجي .. من خير عرق الجبين
يارب تحرس بلدنا .. دي مصر جوا العين
واحفظ شيوخها وشبابها .. وأهلها الطيبين
في رباط يامصر ياأما .. دايماً ليوم الدين
وإن جينا يوم اختلفنا .. يجمعنا تاني الحنين
وحبها في دمنا رغمن عن الحاسدين
تعالوا ياأهل بلدنا .. نشوف جذورنا مين
دا جدودنا عملوا حضارة .. تشهد عليها السنين
تعالوا نرجع تاني .. بانيين ومش هادّين ..
ورمضااااان كريم .
ليست هناك تعليقات:
إرسال تعليق