( برنامج المسحراتي )
الحلقة ٢٨..........
يا عم سمعة .. الفن صنعة .. ولع الشمعة ..و امسح الدمعة .. دي ليلة جمعة.. الليلة وترية..
....
حبك تراثك .. عايش ف راسك..ضحكة لناسك..الكون مقاسك ..صاحي حماسك.. الناس سواسية..
....
مش بالفلوس..تحي النفوس..زيح الكابوس..ايد الفانوس..تهرب لصوص..افتح قاموس ..فهمك مالوش دية..
....
بيقولو عفوي..والعز شفوي..و بكل أسفي ..لعبي و نكفي..أديب و صحفي..و اللهجة مصرية..
....
آدي ابتهالي..ريح لي بالي..
يقيني حالي.. إسلامي غالي..صوتي بلالي..ويا المراكبية..
....
يا نيلي صايم.. ع الموجة عايم..
هلت نسايم..شدو العزايم..اصحى يا نايم..ف عينك شفافية..
....
يا عم سمعة.. الفن صنعة..ولع الشمعة.. و امسح الدمعة..دي ليلة جمعة.. الليلة وترية..
و رمضاااااان كريييييييم
( إمضاء ابو رنيم )
ليست هناك تعليقات:
إرسال تعليق