...مسافر ...........محمد إبراهيم درويش....

 

...........مسافر ........

انا لسا مسافر و مجدشي من غربة روحي

ومعايا اصحابي من حزني وبواقي جروحي

ودموع في فراق مع تنهيده من وقت وداع

ومعايا الصوت المتكتف من طيلة نوحي

......

ودي شنطة سفري المليانه من كل حاجات

فيها حزني الساكن جوايا على صاحب مات

فيها ذكرى اتسابت في الشنطه من واحد باع

فيها صورتي الباهته ومركونه من عمر و فات

.....

الشنطه كمان فيها علاجي و من غير دكتور

حقنة نسيان عشرين سنتي لعقلي المطيور

برشامه مسكن للوحده لو جالها صداع

ورباط الضغط الموصفلي لقلبي المكسور

.....

و كمان مستني التأشيره بالاذن رجوع

فبلاقي الختم اللي يرجع عندنا ممنوع

و جواز العوده اللي يرجع بلاقيه متباع

مع ان الصوت على طيارتي برقم مسموع

.....

انا عامل من غربة روحي قرشين حلوين

هصرفهم اول لما ارجع على ناس تايهين

وهأجر كام واحد خاين على كام بياع

وهخدهم واتعلم منهم على ناس تانين

..........محمد إبراهيم درويش..........