( برنامج المسحراتي )
الحلقة ٣.....
المؤمن قلبه..بيعامل ربه..
و يشاهد قربه..
طالب غفران..
له هلة و طلة..
في المسجد صلى .. أهلاً بيه و الله
و يزيده إيمان..
صلى التراويح..و صيامه صحيح
و صريح و مريح..
أخلاقه ميزان...
أنا كنت أتمنى .. يصفى و يدعيلنا..
نوره منورنا..
وسط الجيران..
أهو جه و اتوضى .. بجبين من فضة..
الوقت ما قضى ..
ف حب الرحمن..
دا عريس ف سمانا..من خيره ادانا..
و حكايته معانا..
أشعار ف ديوان..
راقت أحواله.. و الراحة لباله..
يبارك له ف ماله..
و حفظ القرآن..
جمعنا الباري..ذكره ف أفكاري
ليلي و نهاري..
و خيالي كمان..
رمضان شرفنا.. ببلحو و خشافنا..
غنينا هتفنا.. أهلاً رمضان..
بقى يفرح بينا .. سهران وسطينا.
و النور و الزينة ..
ملو الأركان..
.....
و رمضاااااان كريييييييم
( امضاء ابو رنيم) —
ليست هناك تعليقات:
إرسال تعليق