المسحراتى .. تقديم .. الشاعر .. هانى نبيل

 

الحلقة ١٠......

رمضان ياميش و خشاف..

طابخين كل الأصناف..

مشاريب ..محشي و كنافة

و مظاهر الإسراف..

لكن الصوم حاجة تانية..

للي لربه يخاف..

حسنات ف كل ثانية.. تتضاعف بالآلاف..

تراويح و روايح جنة ..قران نوره شفاف..

اقرا الفاتحة و البقرة و يس و الاحقاف..

و البركة و الاحسان..و الرحمة و الانصاف..

عن كل ذنوبنا بنبعد عن لذة حرام بنعاف..

نحسن نية أعمالنا..و نحقق الأهداف..

دايما بنساعد بعض ونحاول نبقى خفاف..

فينا اللي بيطلع عمرة ..أدي سعيه بعد طواف..

و اللي بيختم كذا مرة..و اللي بيفك خلاف..

ناس طاهرة و دايما عارفة ..

ناس زاهدة و ناس أشراف..

فاهمين الدنيا لا يمكن تبقى نهاية المطاف..

صايمين صابرين و بيرأف..

بينا خفي الألطاف..

ف الجنة هانفرح والله ..

بالصوم و الاعتكاف...

......

و رمضاااااان كريييييييم

( امضاء ابو رنيم )