يامصر ياام الهرم ياكنيسة يا مادنة
يارافعة راس الامم ومكبرة ولادنا
انا عندي ليك عتب وعتابي مش عيبة
ليه فيكِ ناس تتظلم وناس تنول زادنا!
.........
يامصر انا بعشقك من ساسي الى راسي
ولا عمري راح اكسرك ولا هرضى تنداسي
وان يوم أسأت الأدب وصرخت في وشك
لا عمري يوم اخسرك ولا هلغي إحساسي
........
هو الحبيب لو غضب يتخلى عن حبه؟!
ولا القريب لو باع ممكن يبيع قلبه؟!
ولا الاصيل لو شكا يبقى خسيس يعني؟!
والطفل لو يوم بكى أمه تزيد غلبه؟!
.........
ليه لما أحس بآه اكتم ف حلقي الصوت؟!
ليه لما اقول بعشقك تِملي عليَّ شروط؟!
ليه لما انا بسعدك بتزيدي في غلبي
وكل ما ابني حياة فوق القضيب بتموت!
#سميرمحمود
ليست هناك تعليقات:
إرسال تعليق