نسيم البحر
حدوتة .....
................
الصبح نصحي فرحانين
ومفيش فينا قلب حزين
الشمس ترقص في عنينا
ونهارنا بشوش فرحان بينا
نخرج علي الغيط مبسوطين
الكره ملوش في القلب أنين
الولد بنت جاري بعنينا
نور البنات جماله حوالينا
بزرعتنا ومحصولنا فرحانين
تتقابل وشوشنا مبتسمين
والطير علي شجره بيشجينا
مفيش غدر ولا خداع يبكينا
مفيش عرض يتباع
كلهم اهالينا
كان الحب عفيف ومتين
كان القصد شريف ومبين
ياريت يازمانا ما كبرنا
كنا نحن ونعطف علي بعضينا
و الرغيف مقسوم نصين
نص مودة ونص حنين
ياريت يازمانا ترجع تانى أحلى سنين
ايام ما كنا صغيرين
كنا بنلعب فرحانين
ومنين هنشيل الهم وفين
راضين بقليله ولا بندور علي قرشين
كانت حياتنا ضحكة كبيرة
من القلب تطير في العلالي
نجري ورا قمر يلالي
نقول دة القمر بتاعنا
في عز الليل نوره يجمعنا
كله اللمة قصاد الدار
مالي بيوتنا خير وعمار
ولا فيه نت ولا موبايلات
ولا شاغلنا كتير الفيس
كانت بيوتنا بلا متاريس
كنا فيض من الأحاسيس
كلنا ايد واحدة
تلاقينا قوة وقت الشدة
زغروته عالية في الفرحة
كانت أحلي جمال حدوتة
كل الناس كانت مبسوطة
ليست هناك تعليقات:
إرسال تعليق