(قصيدة)
_______(من نفس الطين)
_____&_______
الخواجه كوستا كان عازف كامنجه.و
عنده بنت حلوة كانت ف الشعر جامده.
دايما قاعده ف حديقه مزروعه موز ومانجه.
تنظر للخليقه بنظرة عميقه شارده.
ف يد ماسكه ورقه.. وف يد ماسكه قلم.
يفيض منها الأحساس..ينزف لو حد أتظلم!!
بيصعب عليها الناس..الفقير واللى إتألم؟!!
الصفار مع الخضار..اللونين لون العلم؟!!!
أما كوستا جوا البار..يشرب كاس ورا كاس.
يتسطل يعزف للأحرار..الكل يهتف له بإخلاص!!
كان لون وجه أسمر و..ملامحه نلسون ماندلا.
دخل عسكرى أحمر..كسر الكامنجه بذله!!
نزلت دموعه من عينه و..من حزنه وقع ع الارض.
قاموا اصحابه شيلينه و..دموعه بتجرى جارحه الخد!!
شافوا نظرة عينه للحيطه..اللى عليها قفص العصافير.
كان نفسه قبل ما تطلع روحه..يعزف ويخليها تطير!!
ما ارادش لييه ربه القدير..فروحه طلعت قبل الدير!!!
ڤاتريدس بنته بفلب كبير..بكل إيمان خطبت ف الكون.
الأنسان يفضل إنسان..مهما أختلفت الألوان..
لا فى عبد والا سلطان و..لا أستعمار والا استوطان!!!!
أو فرق ف لغه او دين..دا احنا عليها ضيوف عايشين..
كلنا من أدم و حوا..كلنا جايين من نفس الطين!!!!
بقلم شاعر العامية.
السيد حسن السيد.
20/3/2021
ليست هناك تعليقات:
إرسال تعليق