( الصبر )
_______________
صبرت على حالي
وع الترحال
سنين وسنين
صبرت وجوايا أمل
فيكي ياضي العين
صبرت تروق احوالي
واودع هجر
عشته سنين
صبرت والصبر موالي
ومش عارف
واخدني لفين
هل ياترى واخدني
لسكة العاشقين
وإلا لسكه كلها
ألم وانين
ياصبر والنبي خدنى
لسكة غرام وحنين
يمكن يعودلي شبابي
وافرح و لو سنتين
ساعتها هقول
الصبر مفتاح الرضا
و احسن دواللمجروحين
_____________________
شعر الاستاذ /طلعت مجاهد
ج مصر العربيه أجا دقهليه
ليست هناك تعليقات:
إرسال تعليق