قلبك عصفور .. اشرف الشناوى ... شاعر عاميه البرامون

قلبك عصفور
بيزقزق فى النور
ويسابق
مهر وحنطور
ويغنى ويرقص
بسرور
وبيفرد جنحاته
فى الهوا ويدور
يضحك
على ضى الشمس
أحلامه بتتحقق
باللمس
ويطير
ويصحى بقيت
العصافير
قلبك
هزمه الليل
والجرح
مش فاضل فيه
غير حبة فرح
والحزن بياكل
فى حيطانه
وبيرسم ضحكة
ايامه
وعمل مية سور
وحرق له النور
الفجر هيطلع
من تانى
والا هيفضل مكسور
قلبك
بين زنزانه وسجان
عمال بيعافر
وسط الغربان
قلبك مش لاقى مكان
يطلع من جوا الاحزان
علشان مايصحى
العصافير.من تانى
أو حتى يعيش
فى الحلم ثوانى
أو حتى يموت انسان
قلبك مش لاقى مكان
يزرع فيه الضى
أو يفضل فيه
كام يوم حى
قبل الموت مايعدى
عليه
أو يخطف
اخر ضحكه
طرحت فى عنيه
أو يخطف
اخر ضحكه
طرحت فى عنيه......

اشرف الشناوى
شاعر عاميه
البرامون