الغاليه مصر
=====
أنا واقف على بابك
شريف وعفيف
=====
أنا واقف على بابك
شريف وعفيف
طالب تراضينى
بهدمتين ورغيف
وتحسسينى بكرامتى
حتى ولوتخاطيف
فى السكه رميانى
وادى وش الضيف
سافف ترابك
ودايسانى حجر فى رصيف
وان جيت فى يوم أشكى
ترمينى بالتخاريف
واما تعوزينى تكتر غناويكى
فى الحب والتسقيف
ولازم أقول حاضر
عشان أكون على الكيف
وان قلت يوم لأ
تاخدينى فى التجريف
ماهى قوتى بيكى
ومن غيرك كفيف وضعيف
عاشق ترابك
وإن غبت يوم عنك باقول يالطيف
أنا العابد فى محرابك
أنا الأبيض فى لون الطيف
أنا النكره
إللى مستنى لام التعريف
أنا المطحون
وعاملانى بنوك تسليف
أنا السارح على اللقمه
أنا موزع جبال الحيف
أنا العمله
المصديه بدون تصريف
أنا جيشك فى يوم المر
أمرك يكون نافذ بدون تكليف
أنا السارى أنا علمك
أنا الحق بدون تزييف
ماتيجى ياللا نتصالح
ونتصافى بقلب نضيف
ونفتح صفحه بكرامه
وتيجان تشريف
أنا منك أنا قلبك ومن غيرك
أنا مركب بدون مجاديف
=====
بقلمى .. سامح توكل أبوالسبح
بهدمتين ورغيف
وتحسسينى بكرامتى
حتى ولوتخاطيف
فى السكه رميانى
وادى وش الضيف
سافف ترابك
ودايسانى حجر فى رصيف
وان جيت فى يوم أشكى
ترمينى بالتخاريف
واما تعوزينى تكتر غناويكى
فى الحب والتسقيف
ولازم أقول حاضر
عشان أكون على الكيف
وان قلت يوم لأ
تاخدينى فى التجريف
ماهى قوتى بيكى
ومن غيرك كفيف وضعيف
عاشق ترابك
وإن غبت يوم عنك باقول يالطيف
أنا العابد فى محرابك
أنا الأبيض فى لون الطيف
أنا النكره
إللى مستنى لام التعريف
أنا المطحون
وعاملانى بنوك تسليف
أنا السارح على اللقمه
أنا موزع جبال الحيف
أنا العمله
المصديه بدون تصريف
أنا جيشك فى يوم المر
أمرك يكون نافذ بدون تكليف
أنا السارى أنا علمك
أنا الحق بدون تزييف
ماتيجى ياللا نتصالح
ونتصافى بقلب نضيف
ونفتح صفحه بكرامه
وتيجان تشريف
أنا منك أنا قلبك ومن غيرك
أنا مركب بدون مجاديف
=====
بقلمى .. سامح توكل أبوالسبح
ليست هناك تعليقات:
إرسال تعليق