ستاير نور .. ( أسامه جديانه)

ستاير نور
ورود وبخور
وعروسه من بنات الحور
وأطفال وقفه ع الصفين
وشمعدان بيلف ويدور
وزفه من بعيد هله
نغمات طبل ودفوف
وعروسه بتتبختر
على نغمة زأف الكفوف
وشاب وسيم ببيونه
وعوده والقوام ملفوف
معاه باقة زهور تحفه
حوالين العروسه يطوف
صاحبة الدلال والخفه
أخترتك من بين ألوف
يابنت الأصل والعفه
عيونى لغيرك ماتشوف
عمرى أبتدا اليوم
وبتهجى ليكى الحروف
ياريت أقدر أعبرلك
بقلبى اللى بقربك ملهوف
فضلت سنين مستنى
لحظة زفافنا وبيكى أطوف
( أسامه جديانه)