خاطرة .. زحمة الدنيا .. بقلم .. هناء صبرى

كلماتي والهوي. هناء صبري.

دور في يومك علي شيء يسعدلك القلب..
ويعيد الضيء لنور عينيك من بعد ضلمه العمر..
دور علي حته ضلة تضلل عليك من قساوة حرارة القلوب حواليك..
يمكن تلاقي في زياره قريب نسيته في وسط زحمة طريق..
ويمكن صاحب قديم كان دايما يسال عليك..
شوف كده في دولاب ذكرياتك مين كان يتمني لك الخير..
اياك تربط سعادتك بشخص اياك تربطها بحب حد..
عمر ما حب كان سبب يسعد القلب كل حب بيجي له يوم ينهد..
خليك فاكر ان السعادة هي اللي بتصنعها ايدك مش بيوهبها ليك حد..
فعيش بس تحاول تسعد روحك التايهة الهايمة ولو ثانية في دنيا فانية..