ياورد فتح .. شعر .. بتول العتربي

ياورد فتح فى العيون
غالى وبتدارى الظنون
يهديك حبيب
لما يطيب
قلبه وتسهر له الجفون
وأنا قلبى داب
كان يوم شباب
عايش فى دنيا م العذاب
لو يوم لقيت
خل وبيت
كانت حياتى تتملا
حب وسعادة فى الخلا
وتكون دوايا إللى بلا
طبيب يعلم فى الكتاب
يا سنين ضباب
وعشتها
صاينة الأحبة والوداد
افنيت حياتى كلها
سجلتها
والحمل زاد
خدنى الزمان وفتها
ونسيت أنا حبى إللى غاب
ان الاوان تتكلمى
تهدى طريقى وسكتى
وتعرفينى دنيتى
ولمين يكون
وردى إللى شوقه يتحكى
غنوة وبتمر فى طريق
زى السحاب
وح تنهمر فى أرض صحرا
ترويها من حبى انا
شهد وقصايد معلنة
مفيهاش غياب

#بتول العتربى

٦