ربك كريم .. شعر . م . بتول العتربي

لوتسألونى احنا مين
طب كنا فين
وازاى وليه
راح أقول لكم
أمرك عجيب يا ابن آدم
ياللى اتخلقت من عدم
جيت من تراب
وإليه تعود بلا ندم
لو بس تعمل لاخرتك
دى دنيتك
زايلة
وربك يتخدم
من غير نفاق
خللى الوفاء
سيرتك وصوتك ينكتم
عللى الجبين
واخضع سنين
دا الرب قادر يسخطك
وأنت إللى بايديك الطريق
شاور عليه
وبنيه خالصه اسلكه
ح تلاقى ربك نولك
كل إللى كنت بتحلمه
وفى نور هداه
امشى معاه
رغم الشدايد والمحن
احفظ حياتك كلها
ربك كريم
ربك دا عالم بالقلوب
لما تكون مؤمنة
دون لاسمك فى الصحيفة
عبدك ياربى الفقير
امحى ذنوبى كلها
عاوز أنول منك رضا
وأجاور الهادى الأمين
ومن ايديه
شربه هنية وتنقضى
#بتول العتربى

١