#أصعب إحساس# ** ** **.فاطمه عبد الشافي

#أصعب إحساس#
** ** **
لما تلاقي بيت العيله
اللى كان ضله وضليله
كات فيه اللمه جميله
أصبح كدا من غير سقف
#أصعب إحساس#
لما تلاقي الأخ بيقتل أخوه
وينسى إنه إبن أمه وأبوه
اللى جابوه فى يوم ربوه
ولا مره فى عمره حرموه
#أصعب إحساس#
لما تلاقي الزوج
بيقسى على مراته
وينسى إنه إختارها
شريكه دايمه لحياته
مش مجرد آله تلبيله
ديما رغباته
#أصعب إحساس#
لما الحب يصبح لعبه
والإحساس بيه
مسأله صعبه
ياناس دا هو السكر
اللى يخلى المر مسكر
للى يحس واللى يفكر
#أصعب إحساس#
لما تلاقي أعز صديق
يبعد عنك وقت الضيق
اللى اخترته أعز رفيق
#أصعب إحساس#

..................................فاطمه عبد الشافي

٢٤ تعليق

١٥