((فى يوم هترجع)) ** ** **...فاطمه عبد الشافي

((فى يوم هترجع))
** ** **
فى يوم هترجع
وكلمه هقولهالك وليها إسمع
عيونك دي من دمع عنيك
#عليا هتشبع#
وتندم على اللى عاملته معايا
وعل الألم اللى سيبته جوايا
وع النور اللى طفيته
ماسيبت حتى شمعايه
#فى يوم هترجع#
وتشوف بعنيك عاملت فيا إيه
حتي الحلم ماقادره أحلم بيه
والحزن مرسوم فى عيوني
كمان ماقادره أداريه
ولا الفرح فى قلبي مكان ليه
#اكيد هترجع#
وتلاقي حبي ليك انتهى
مابقتش باقيه عليه
ياريته ماكان إبتدا
ولا فرحت بيه
هو إنت ناسي إنت
عاملت فيا إيه
جرحت قلبي جرح كبير
احتارت الأطبا فيه
فى يوم هترجع
وعيونك عليا تدمع
أكيد هترجع
......................................فاطمه عبد الشافي

٦ تعليق

٥