(يللي نزلتلك دموعي) ** ** **بقلم .. ........فاطمه عبد الشافي

(يللي نزلتلك دموعي)
** ** **
يللي نزلتلك دموعي
وقولت معاها الأااه
أشكي لمين حالي
والصبر فين ألقاااه
فى بحر العواطف تهت
والشط مني تاااااااه
وعمت ويا الأشوووق
غرقت ياولدااااااه
وبعت للشط صوتي
للنجده والنجاااااه
ماسمعني غير طير سارح
بيناجي في السما مولاااه
قولت له
يللي انت فارد جناحك
طريقي فين مرسااااه
قالى إيه نزلك
فى بحر الغدر ملااااااه
قولت له مش وقت عتاب
وإنجدني م المأسااااه
وخد بإيدي للشط
يمكن طريقي حدااااه
وطلعت للشط تاااااني
وصابني من تاني هواااه
ورجعت زى الأول
غرقانه فى بحر الأاااه
وأقولها ودمعي ينزف
وأحس بالمعنااااه
يللي انت سامع كلامي
ياترى فاهم معناااااه
.................................فاطمه عبد الشافي

أعجبني

تعليقمشاركة

التعليقات

اكتب تعليقًا...