ةةةةةةةة
لما الفرد ..يتوه من بعضه
تخلف أرضه معاه ف الوعد ..
تكره خيرها ..يبان على خده
تلعب ضده طول على عرض..
والكروان يحلف ..ما يغنى
والعصافير تعند و الورد ....
لما تضيع الضاد ..ف الإملا
طوبة الهبله تصيب الود ...
تقصف عمر النور و الضله
وضحكة قله ..بناها الجد
كل عروسه ف يد الشمس..
فرحه ..تغطى بدن الولد
يخطف يومى وبكره وأمس
كلمة انك تسبق ..حد ...
لما يجدر فينا ..الخوف
كيف هنشوف بعضينا يرد..
لما يكون الموت ..بالجمله
واسكت هُس ..بطعم الشهد
كل الشعب يكون ع القبله..
بنت وحبله من غير ..حد ..!
لما نقوم م النوم نتسلى ..
نضرب نبله.. ف اللى اشتد
نضرب فتنه ف جتة بيتنا..
نحدف غيطنا ..وكل المجد
نطفى الشمعه و نكسر زلعه..
نو الجامعه.. يروح ف النرد
ننسى الأولى وناس مسبوله
تقوم بهلوله.. تقول لنا سد
ياللى ممدد ..ازرع تحصد
فجر الورد من غير ..عد !
اغسل روحك تشفى جروحك
تقرا ف لوحك حرف الشهد ..!
ةةةةةةة
الشاعر /ابراهيم القاضى
ليست هناك تعليقات:
إرسال تعليق