كنت قول ( عاميه مصريه. ) بقلم .. امال بدر

كنت قول ( عاميه مصريه. )
كنت قول أن انت ناوى
على الرحيل
وإن اللقا أصبح مابيننا
مستحيل
لمح بكلمة أو بنظرة
من عنيك
قبل الرحيل
مهد لقلبى خطوته
قبل ماتصدم فرحته
وتتوه معالم سكته
والقاه كسير
كنت قول
إن انت ناوى ع الفراق
وإن اللى بيننا كان معزة
اصدقاء
خلينى اشوف يوم الحقيقه
عن قريب
وأحاول أنسى انك لقلبى
سنين حبيب
وواسى نفسى فى حظها
واقول نصيب
آه من رحيلك هدنى
وسابنى فى ذهول
كنت قول
فارقتنى وسبتنى
هنا للضياع
ياحب عمرى اللى اشتريته
وهو باع
وكمان نسيت حتى تقول
كلمة وداع
كنت قول

امال بدر

٢ تعليق