زمان >> بقلم .. خالد الكردي

زمان
كنتي بتستني تشوفيني
اعدي وابص ع الشباك
وارمي نظرة من عيني
فالقاكي سبقتي هناك
علي الناصية
في أخر الشارع التاني
في ضهر البيت
يادوب لحظة فتلقيني
بسرعة انا جيت
تحطي ايديكي ف ايديا
ونتمشي علي الكورنيش
فتلقي الفرحة ف عينيا
معاكي باحس اني باعيش
فضلنا سنين
بنزرع حبنا ونرويه
نسيب الحلم
في مكانا عشان نرجع
ف يوم نلاقيه
ويوم عديت فمالتقيش
هناك واقفة كما العادة
وعند الشيش فما بتقفيش
فقولت اكيد ده فيه حاجة
طب اسال مين
مانيش عارف انا اوصلك
في عندي سؤال
ومين بس اللي هيقولك
بقالنا سنين بنتقابل
ومااعرفشي انا اسمك
بقلم
خالد الكردي