جيب المسكه والريشه
وهات الدوايه
بدنا نكتب عن هالعيشه
مليون حكايه
نكتب عن ايام العز
الكانت عيشتنا بتلذ
راح امبارح واجانا اليوم
وجايب صرمايه
//////////////////////////////////////////
كان كيلو اللحمه بليرتين
وسجل ع الدفتر
قصابك يقلك اهلين
ولو دينك يكتر
ياسيدي بتدفع بعدين
لا لالا تتحير
ولايهمك ع الراس والعين
الايام جايه
//////////////////////////////////////////
هاليوم نغني موالنا
على نغم النكريز
اتغير واتبهدل حالنا
واشتغل التنشيز
صار همنا والشاغل بالنا
محكمة التنفيذ
عم تحكم تبيع بيوتنا
سلمنا الرايه
//////////////////////////////////////////
وآخرتا الحل شلون
اش يعني نشللح
كرامه لطه يارب الكون
لهمومنا سرح
شوف عبادك الكل ممنون
فضلك ويسبح
بحمدك ويقول
رضيان بقدرك وقضايه
//////////////////////////////////////////
شعر ؛ d.. نذيردهان
ليست هناك تعليقات:
إرسال تعليق