لسه أمي ....
لسه أمي شرياني و وريدي
لسه أمي حياة تجري بدمي
لسه بعيني بالدنيا كل حبي
لسه النبض و الدقات بقلبي
ومن غيرك عليا راح يسمي
لسه بطبطبي و كمان ضمي
لسه ياأمي بتشيل في همي
لسه تحكي حدوته بحكاوي
ولسه بتغني أسمي بالغناوي
لمابتعب لياطبيبي المداوي
لما بذاكر بكل حنيةلياتراعي
لسه تجيبلي حليب المراعي
ليه صغير بعينك لماتشفيني
علياتبصي وتعدي الخطاوي
رغم حرف شعري ليك هاوي
كلام عايب مش من أساسي
تقولي انا أرضك وليا فأسي
وبتقوللي يا أما ياواد خايب
والله داشعري برأسي شايب
معاك ياماشفت كل العجايب
بتقوللي الناس بالدنيا قرايب
حتى وإن كانوانسل الغرايب
يكون قلبك بحب ربك دايب
النبي قدوتنا بفرح ونصايب
أيواياواد لسه بعيوني صغير
عمرك ماتكوني بعيوني كبير
ولابتقولي يا أمي حان النفير
ولاجت ساعة الرحيل للغدير
لأيا أمي أنت سبب كل خير
ويارب أفضل بعيونك صغير
ياأمي تعيش ليا بالعمر كتير
لحد ما تجوزي الواد الصغير
فخايف بعد دلعك راح أصير
لوحدي يتيم و للحزن أسير
اليومين دول بتصوري كتير
شفت صورك عالموبيل أمير
والله متقوليش القمر المنير
يا أمي ليك فياأحلام البشير
ولاعمرك ماشفتي راحة كتير
كنت لياولأخواتي واحة خير
كان حزامك بالجلابية مصير
وبغيط العرق ياما أكبر سفير
برحلة طويلة للمجد الشهير
التعب بالعرق ياما ليكي أسير
فحققت حلم مصباحك المنير
أنا صرت بالدولة للعلم سفير
لسه عاوزجوا عينيكي أعيش
لسه عاوز بأيدي أكلك عيش
لسه عاوزغير الهناما تشفيش
وعاوزكتخدي صورة بالأفيش
بس عني يا أمي ما ترحليش
الشاعر /إبراهيم شبل
ليست هناك تعليقات:
إرسال تعليق