ليه...
ءاه يادنيا يامرجحنا
فوق الضباب مخبينا
ومنزلنا للظلام ومعيشنا
وبظلمك تعبنا وبنارك
كويانا ..
ليه بتعملي يادنيا كده
فينا..
هو مكتوب علينا نشوف
الغلب والقهر وتنسينا؟
وأحنا بس ولا فيه ناس
غيرنا.
احنا الغلابه والمساكين...
استثمروا كل شئ فينا
حتي الوجع والمرض
والأهات والانين..
حتي فقرنا منسهوش
بيلموا عليه فلوس..؟
مسكين ليه سواطير وسكاكين..
لمين خلاص ماشفيتوا
لحمنا..
وبقي عظمنا فوق جلدنا
والله حرام حرام يادنيا
تهيلي التراب علي المساكين..
وتسعدي وتدي وتغمضي
عنيكي عن المستغلين..
واصحاب النفوذ والحراميه
الكبار ولاد الحرام..
اللي بيموصوا دم الغلابه..
اللي لا حولا ولا قوه ليهم
ولا حيله من الغم تنجيهم..
..محمد عبد الرحمن.
ليست هناك تعليقات:
إرسال تعليق