كلمات شاعر بنى هاشم
الشاعر صبرى عبد الواحد الحساني
غير أنا مش هكون
مش هكون غير أنا
غير أنا ما هكونشى
بميزاتى وعيوبى
أنا فيه عيوب ما انكرشى
الغلط لو زاد عن حده
بصراحه ما استحملشى
والعايب اقله فى وشه
وابعد عنه وما اندمشى
والناقص عتاب ما اعاتبه
أصله ما يستاهلشى
مش هكون غير أنا
وللى سابنى ما هنكسرشى
واللى عمل معايا جميله
حافظها ما هنكرشى
مش هكون غير أنا
حقوق غيرى ما واكلشى
الغالى عليه هسامحه
فى غلطه أو اثنين ما اكترشى
ولو زاد عن كده بالسلامه
عندى تانى ما يلزمشى
اسامح لأقصى الحدود
لكن لغير الله ما اخضعشى
لو احبك فوق راسى اشيلك
ولو عدوى ليك ما هرحمشى
ده طبعى ومش هغيره
ولو مش عاجبك ما تقعدشى
ليست هناك تعليقات:
إرسال تعليق