((عقول ))
//////////////////////////////////////////////
ليلة الدخله والزفه
وقبل الترحيب
وقف كرمو على مرتو
واعظ وخطيب
قللا وينك ياحرمه
أفهمي مني
أنا زلمه واعي وعقلي
جوزتين بخرج
حطي كلامي حلقه بإدنك
اوعاكي يغيب
//////////////////////////////////////////////
أفهمي مني بدي ياكي
ما تجيبي إلا صبيين
افهمتي عليي ياحياتي
يانور العين
لا،،لا مابرضى تقوليلي
اجيبن منين
والاتقولي حرام تحكي
هادا قدر ونصيب
قسما عظما بخللي شعرك هالاسوديشيب
//////////////////////////////////////////////
هي اولنا وتانينا لو اتنحنح
اوكلمه اقول
تتنفذ حالا بالا فورا وقوام
على طول
ابتسمتلو،،، قالتلو ياروحي
طبعا معقول
أنت جوزي الغالي
وعلى قلبي حبيب
//////////////////////////////////////////////
والصبحيه قام من نومو
ع دق الباب
قالتلو أمو قوم ياحبيبي
أجو الاحباب
قللا لمرتك تقوم تتحنكل
جاوبها النوم غلاب
سهرت معي طول الليل
بنخصصي عجول
//////////////////////////////////////////////
حبلت ولدت هالحرمه
وجابت عاروس
بتتحدى القمر بحسنا
وشمس الشموس
شافا ابوها طار عقلو
وصارفيها يبوس
ونسي كلشي وصاها
شو امرو عجيب
//////////////////////////////////////////////
البنت خلقها ربي من طيبه
ورقه وحنان
ووصانا فيها نبينا تكرمها
كل الاديان
تقلك نعمه كبيره
وهديه من الرحمن
وانت ضروري اتصونا
لو كنت لبيب
//////////////////////////////////////////////
شعر ; d.. نذيردهان
ليست هناك تعليقات:
إرسال تعليق