الاثنين، 11 مارس 2024

الزجال حج هلال في هل يرضيك يا الله

 قد تكون صورة ‏‏‏شخصين‏، و‏‏طفل‏، و‏عشب‏‏‏ و‏نص‏‏

الزجال حج هلال في
هل يرضيك يا الله
..............................
يارب هل يرضيك يا كريم
أطفال غزة جعان ويتيم
وانا شبعان لكن قلقان
شايف اخويا في يد لئيم
يا أهالي غزة يا أكرم ناس
اهل العزة و الإحساس
ربي حسيببي ولا امد إيدي
لو حالفظ آخر الأنفاس
شعب غزة مش شحات
شعب العزة والكرامات
وطوفان الأقصى لم ينسى
ورمضان شهر الإنتصارات
غزة العزة والكرامة
والمقاومة والشهامة
الله سيدي وليه امد إيدي
والسؤال من غيره ندامة
. شايفين إبني بياكل إيه
وماسك إيه وبياكل فيه
عشب الأرض يا أهل الأرض
ترضى ل إبنك زيه يا بيه
هل رمضان والكون فرحان
وابني في غزة جعان عطشان
والعالم هايص مش حاسس
إن انا قلبي حزين زعلان
شايف طفلي صغير حيران
وسط هجوم صهيوني جبان
عالأطفال وعالنسوان
وعالزيتون وعالبنيان
والمدارس و الأفران
والمستشفى والطرقات
وسيارات الإسعافات
ويحابوا أي مساعدات
والمقصود ذل الإنسان
لكن ربي عزيز رحمن
ولا يتخلى عن الغلبان
لطفه كبير قادر وقدير
على ناس غزة وهو بصير
يرحم كل كبير و صغير
رزقه فوق في السما ووفير
الله عالم بيهم عارف
بياكلوا قش الأرض الناشف
والأطفال أسوأ أحوال
عطش وجوع وبرد وخايف
واحنا بناكل موز وقطايف
ونمصمص ونمص شفايف
يا الله هل كده يرضيك
. من ظالم مجرم يعاديك
حاصر أهلي ويقتل إبني
واحنا تكالنا كله عليك
وكل رضانا بس نرضيك
يارب هل يرضيك ياعظيم
طفل جعان بردان ويتيم
ياكل قش في دنيا الغش
قدام كل خبيث و لئيم
يارب ده إن كان يرضيك
نصبر والمهم. رضاك
وكل أملنا والثقة فيك
تنصرنا على من يعصاك
..........................
هل يرضيك يا الله
الزجال حج هذا

ليست هناك تعليقات:

إرسال تعليق

سؤال. والصمت الجواب ... كلمات .. عبدالفتاح غريب

  سؤال. والصمت الجواب من أضناه بعد طول الصبر الحنين ومضى على درب ذكرى ولت بمحراب الوتين دام بحلم باللقاء يناجي نجم طيف بالرجاء حجب عن حناي...