صدقيني بقلم ... السيدابوطاحون
ّ٠٠٠٠٠٠٠٠٠٠
فاض الجمال
من قلبي وسقاني
كلام تاني
معرفتش اكدب
لان الصدق عنواني
يا غربه ساكنه
جوه حبابي الروح
مدي ايديكي
وطبطبي
ودخليني جوه قلبك
واحسبي
وخدي لي
صوره فرح جنبك
وركبيني
واركبي
وبلاش تبيعي مركبي
و عادي لسه
بتغلطي ف لقمتي
وف نومتي
وف هدمتي
وف كلمتي وصحتي
وتدلعي الاغراب
والمفتري الكداب
وصدقيني
صدقي
لا عمري يوم أكرهك
ولاأكون كداب
إنتي في قلبي
دهب
وانا تحت رجلك
تراب
٠٠٠٠٠٠٠٠٠٠٠٠
ليست هناك تعليقات:
إرسال تعليق