(يادنيا دنية اوجاع)
يادنيا دنية أوجاع
بتاخدي اللي شاري
وتسيبي اللي باع
حتي الخير في ناسك يادنيا راح
والكل عايش في حزن وجراح
ومن كتر الطمع والجشع الكل ضاع
الكل أناني وبيحب نفسه
وما فيكي يادنيا صاحب بجد
ولا فيكي حد بيحب حد
الكل يادنيا بتوع مصالح
ومحدش مع نفسه بيرجع ويتصالح
وكله ماشي في طريق سد
التاجر جشع وطماع
والرضا بالرزق من زمان ضاع
والكل لضميره خلاص باع
وآه م اللي شبع بعد ماجاع
الأخلاق ما بقتش اساس
إيه اللي جري لقلوب الناس
مبقاش فيها خلاص إحساس
بس الأصيل هيفضل أصيل
مهما جري عليه الزمان
وعمره للضلال والحرام مايميل
وبين الناس هيفضل تاج ع الراس
أما الخسيس هيفضل خسيس
مايعلهوش جاه ولا مال
وعمره ماهيحس بأمان
ولا هيشوف يوم راحة بال
وبين الناس هيفضل تحت المداس منداس
خواطر (اشرف الدغيدي)
ليست هناك تعليقات:
إرسال تعليق