قصيده بعنوان/انا فلسطيني
الشاعر/ عامر عبده عامر مصر
انا العربي فلسطيني
بدافع عن الاقصى
عن ارضي وعن عرضي
ما اعرفش ايه تهمتي
ولا ايه كان ذنبي
عشان عربي فلسطيني
ويمكن عشان ديني
لا احد يساندني
لا الاقصى كان ملكي
ولا ورثته عن ابويا
طول عمري وانا بدافع
لا عندي سلاح ولا مدافع
ما فيش في ايدي غير طوبه
بدافع وعيني معصوبه
وفي الاخر الاقي العروبه اكذوبه
اخواني في العروبه
عاملين حفلات وتتراقص
العربي يفرح ويتهنى
وانا بدم ولادي
كفوف ايدي تتحنى
*****
فيه ناس نجوم لامعة
لا راحوا مدارس ولا جامعه
من غير استاذ ولا معلم
تلقاه لوحده متعلم
وناس كتير علماء واساتذه فى الجامعه
ونورها ما يساوى ولا حتى نور شمعه
ملعون اللي مسك الريشه والقلم
ورسم لنا الحدود والعلم
من يومها كثرت مشاكلنا
وازدادت الفرقه والالم
فاتت سنين على حواء وابونا ادم
ولسه الغباء فينا وما نبغى نتعلم
*****
غراب حقير احمق ما لوش لازمه
دفن اخوه واتحلت الازمه
واحنا العرب لو كنا ايد واحده
وعملنا للعدو كده حزمه
ووقفنا له على الواحده
كان عمل لنا هيبه
ولا انطلقت رصاصه واحده
ليست هناك تعليقات:
إرسال تعليق