بقلمي هلال البنا
.............. صرررخ
إصرخ زعق عيط هلل
قول للعالم أنا بتألم
و الناس حواليك بتتأمل
ولآ حد عنك رح يتكلم
فيه 100 حجه بيها تتعلل
إرفع إيدك ياللا وسلم
أوعى تأمل يوم ف العالم
العالم شايفك ومبلم
أصرخ زعق عيط هلل
ناس هاتقول خايب مش فاهم
وناس هاقولك دا بستهبل
وناس هاتقول عاوز يتلائم
وناس هاتقول عاوز يستهطل
و كل مصالحك راح تتعطل
ومهما ها تصرخ زعق هلل
لو حد فاهمك راح يتكلم
ورغم ده كله وشفت بلاوي
ولا حد سامعك ولا حد ناوي
لازم تصرخ وازعق تاني
يمكن مره حد يتألم
أو يتكلم
قول علشانكم
والله شاهد مش علشاني
ها فضل أقولك وهاعيد تاني
صرخ زعق هلل ياااني
قول بتألم في حد سمعك
أو حد شايفك
والكل فيك شمتان وبيضحك
طب فيه أمل إن حد يتكلم
صررررخ...........
.....................
مع الزجال حج هلال
ليست هناك تعليقات:
إرسال تعليق