((يا تاجر من جشعك صرنا نهاجر ))
(جوعتنا الله لايشبعك)
//////////////////////////////////////////
((مع اعتذاري للفنانه الكبيره فيروز))
((موجهةلتجارنا محتكري لقمتنا))
//////////////////////////////////////////
لو كان كلبي معي ماعض غيركمو
يااهل الضلال كرمال عزكمو؟!
وتعيشوا عيشه برتبة عشر نجوم
على الفقير شديتوا عزمكمو؟!
//////////////////////////////////////////
تجارنا يامن تنهشوا لحمي
أدعي لربي بيوم حشركمو
جهنم زياده لاجسادكم يحمي
أنا الفقير جوعي لربحكمو
اكلتوا لحمي وملتوا على عضمي
((لقمه ماعندي وكلشي عندكمو))
//////////////////////////////////////////
تلال دهب واكوام من الدولار
اللي انبشم واللي كرشو صار
قدامو تله بدفشو أكيد محتار
بنقلو هيش هدي شوي ياحمار
((شكينا وبكينا قال أشبكمو))
//////////////////////////////////////////
تاجرنا سافل لاتقولوا لا لا محال
اكتر واكتر شي ما يجي ع البال
من جور طمعو عيشتنا بالاهوال
ويزيد بظلمو وع قولة يللي قال
((نجوع ت يشبع وكفاية فهمكمو))
//////////////////////////////////////////
مسنود جنابو لو يطب عندو ناس
تبريه،،، جماعه اوساخ على انجاس
يرشي ويمشي،،، ويدوس اكبرراس
ونحناشو نحنا؟؟! النا مرار الكاس
((صحيح كلامي والا شو رأيكمو))
//////////////////////////////////////////
ولأيمتى يا عالم الحاله هيك بتضل
يشرب عسل ونحنا بحسرة خل
بسأل ياعالم بإيد مين الحل
جاوبوني قبل عقلي مايختل
((على نار ناطر اسمع جوابكمو))
//////////////////////////////////////////
شعر ؛ نذيردهان
ليست هناك تعليقات:
إرسال تعليق