((حكاية حب))
//////////////////////////////////////////
بأول مره اتقابلنا
رمتلي شباك الحب
غمزه وبسمه و قالتلي
انت سكنت القلب
أسرني هواك ملكتالروحي
ابعد عنك صعب
وتاني مره تلاقينا
اتمشينا ع الدرب
وتالت مره عنها حاكتني
اشتغلت خرط وكذب
قالت يللا شد عزماتك
اطلوب من أهلي القرب
//////////////////////////////////////////
رحت طلبتا قوام وخطبتا
وقرينا الفاتحه قوام
شغلت بالي شعلت ناري
عبت قلبي غرام
كل من يشوفني يقللي أتهدى
رح بتدوب ياحرام
دبت يا عالم تعوا شوفوني
صاير قفص عضام
كل مااشوفا أفرح وامرح
عرقي مرقي يصب
//////////////////////////////////////////خلاصة القصه صارت زفه،،،
ولا بالاساطير
والكل يدعولنا عقبال الخلفه
يرفرف عقلي يطير
وشهر العسل صار باوربا
وصرفت مصاري كتير
ومده حبلت والا ماحبلت
وعجزنا،،،، وعجزالطب
//////////////////////////////////////////
قالتلي العله اكيد بجنابك
أنا وضعي سليم
خليك انت عايش بعذابك
قلبي صار سقيم
قلتلا يعني شوقصدك عيني
كان ردا عظيم
أبن خالي عما بيخطبني
ضب كلاكيشك ضب
//////////////////////////////////////////
يعني بدي تطلقني
فورا قوام بالحال
لوتعاندني بتطققني
أبدا لا لا،،،محال
دمعه نغره ويوم سحبتلي
الآهات موال
صرخت دخيلك جدي أيوب
صب كاساتك صب
//////////////////////////////////////////
وهيك القصه صرنا جرصه
الله يكون بالعون
صار بقلبي وروحي غصه
يقولولي بتهون
كنت الشاري آه ياناري
إجاها غيري زبون
قلبت عني ملكا غيري
باعتني بقرد ودب
//////////////////////////////////////////
شعر ؛ نذيردهان
ليست هناك تعليقات:
إرسال تعليق