كلمات شاعر بنى هاشم
الشاعر صبرى عبد الواحد الحساني
قصيدة اكتبها عن تجربة حضرت حدوثها بين صديق ووالد زوجته كان الصديق نعم الاخلاق وللاسف لم يكن والد الزوجة كذلك ومع تدخل ام الزوجة زادت الأمور سوء وكان الخلاف مادى وطمع من الوالد
فكتبت هذه القصيدة تعبيرا عما شاهدته
ده شايل عارك
حاسب عل. نسيبك
اوعاك تفرط فيه
ده واحد عارك
وفى حضنه مخبيه
ما تخليش الطمع يعميك
وتقول علمت عليه
الاصل مش بالجذو ر فقط
ده فعلك يدل عليه
غلطك معاه ينقصك
وتبقى صغير فى عنيه
ما تمشيش ورا الحريم
وتكون مكتفه أيديه
الصح معروف وواضح
ليه تدارى عليه
تقول وتقول ما قلتش
وكلامك مش منقيه
وتعمل وتقول ما عملتش
طيب كنت بتعمل ليه
انت معاك نسيب
الناس حسداك عليه
ده شايل عارك
ليه بتغير منيه
إن كان ده طبعك فراعى
العار اللى انت مديه
نسيبك شايل عارك
وفى عنيه مخليه
ما فيش فى يوم احتجته
وحد جالك قبليه
وتكذب وتقول ما حصلش.
أنا كنت شاهد عليك وعليه
كان راجل ورد بأصول
وده شىء انت مش واخد عليه
ليست هناك تعليقات:
إرسال تعليق