كلمات شاعر بنى هاشم
صبرى عبد الواحد الحساني
سالنى واحد عزيز على قلبى قالى ايه اللى مزعلك شايفك زعلان ومضايق ايه اللى مزعلك
اللى مزعلنى
زعلان لما الرجوله
تبقى فقط شنبات
الرجاله تمشيها النسوان
والراجل تحكم عليه البنات
والعايب يقولو علبه معيوب
وعلى الغلط يكونوا فى سكات
والبنت كلمتها تمشى
على رجاله بشنبات
والراجل يسيب عياله
وبره البيت يبات
والحق لو طلبت بيه
يقولو خلاص ده مات
والقاتل ما حدش يعيبه
والمقتول عليه الملامات
والداين يترجى المديون
ويقوله حقى هات
والكل مع الباطل يوقف
وينسوا يوم الممات
اللى مزعلنى
أنا مازعلتش من الغلا
وما ليهاش قيمة الالوفات
ولا سكر بقى بستين
ولا ظلم للى على المعاشات
ولا معاش ما يجيبش لحمه
ولاقلة فى البركات
ولا اخ ما بيسالش على اخوه
وان سألوه يقول بالنسبالي مات
اللحمه مقدور عليها
والسكر ليه بديلات
والمعاش مسيره هيزبد
وتنصلح الحالات
والاخ هيرجع لأخوه
فى الفرح أو الأزمات
اللى مزعلنى
أنا اللى مزعلنى لما الرجوله
تبقى فقط شنبات
والرجاله تنسيها النسوان
والراجل تحكم عليه البنات
والعايب يقولو عليه معيوب
وعلى الغلط يكونوا فى سكات
والبنت كلمتها تمشى
على راجل بشنبات
والكل مع الباطل يوقف
ونسيوا يوم الممات
ليست هناك تعليقات:
إرسال تعليق