(خـريـف !!) ******الشاعر الاديب احمد عفيفى

الشاعر الاديب احمد عفيفى

(خـريـف !!)
******
(قصيدة بالعامية المصرية)
***
ولانًِـى خويت الفِكر..
وعـشت غـرام الكلمه
ونسيت وانا جوًه سطورى/
امورى
وربيعى اتبعتر ف الضلمه
ببُص ف وش مرايتى الكدابة
قالتلى اطمًن لسه شباب
والشعر الابيض بقى موضه
*
وخرجت مصدق كدب مرايتى
قابلتها صُـدفـه,
وجمالها الفاتن دغدغ ف هوايا
ضحكتلـى بـمكـر وخـفّــه
لهلبت النار ف حشايا
ومضغـت لسـانى ف حلقى/
اللى موهوِج,
والحلـم بيـوسـع جـوّايـا!
**************
الشاعر/أحمد عفيفي
دمياط / مصر

أعجبني

تعليقمشاركة

التعليقات

اكتب تعليقًا...