عكس التيار .. الشاعرة .. نور الهدى على

نور الهدى على

عكس التيار انا ماشي
ببني سجني بأديا
بقول حاضر واقول ماشي
احتاروا العدى فيا
منش شايف
عايش خايف
دايما مغمي عنيا
ويوم يا ساده
ما قرر
الفرج يفرج ليا
بنيت أسوار
في حضن الخوف
وقلت اكيد
من الحسابات انا محذوف
هقضيها واعيش فيها
مطاطي الراس
ولو خلصت همومي
خلاص
هدور استلف م الناس
منا وهي كما الاعداء
دنيا غروره كل ما اشتاق
لها ف صوره
سواد الكون بيكسيني
ملا عيني تراب ليلهم
وراح واخد علي خاطره
لاني اخترت اكون عالخط
ما بينهم
لانا من دول
ولا دولا
حكايه لقصه مقتوله
علي صفحة
سواد الفقر
انا هو
انا المنفي بكيف وضمير
وانا الي زهقت م الطراطير
وانا الى بقول
انا أسف
انا خايف اعيش
برا ببان السجن
........
#نور