..شمال في شمال...للشاعر رمضان البربري

...شمال في شمال...للشاعر رمضان البربري
لما ميزان العدل مال
كل شيء صبح شمال
زواج عرفي وإثبات نسب
وعيون بتبكي والدمع سال
واللي بيستعجل رزقة الحلال
ومصبرشي وسرق المال
واللي بيبيح المحظورات
عشان مصبرش ع الضرورات
وباع عرضة وشرفة المسكين
وصبحت حياتة جدال في جدال

والتعليم في بلدنا المفضوح
بعد ماسموة بالمفتوح
وفتحوا دكاكين كتيرة
للهندسة والطب المكشوح
والواعظ الديني الممنوع
جة مكانة السم المنقوع
والخير إللي كان مبدور
زرعوا مكانة حقد مشروع
والمحسوبية وجبال الرشوة
في إيدين إللي معندوش نخوة
واللي بيتاجر في الأعضاء
وباع ضميرة بسوء أخلاق
واللي باع بلدة ووطنة
ونسي رزقة في السماء
والقاطع لنسبة ورحمة
والرامي لأمة ولحمة
واللي نسي نفسة وحجمة
واتجبر علي رب السماء
ألحق نفسك يا مسكين
وشيل رجلك من الطين
قبل ما رب العزة تقابلة
وانت بذنوب الملايين