الفرح =====بقلمى سامح توكل أبو السبح

الفرح
=====
ياعمر ضايع فى الأنين
ياشوق ياغالب للحنين

قربنا قرب للفرح
وإسقينا من شهدك كاسين
ويوم اللقا يازمان
ياريت تعيده مرتين
بالقسوه تدينا بشمالك
والفرح تاخد باليمين
دبنا وتبنا من الليالى
ولغدرها مستسلمين
وكفايه من الهم إللى شفنا
ولاده مكتوب على الجبين
دا الصبر منا إشتكى
ولمين هنشكى صبرنا قوللى لمين
ياشمس ياللى بتغربى ليه تغربى
دا إحنا قلوبنا حيرانين
إوعى فى ليله تهربى
دا ليلنا فى بعدك حزين
وسط الزحام تاهت قلوبنا
تايهين سنين متغربين
نطوى الآهات ودموعنا
يطويها الأمل جوه العينين
نحلم بيوم نفرش ورود
نسبق حدود العاشقين
بليلة سمر ويا القمر
والنسمه وياه سهرانين
نرسم خطاوى فرحنا
ونداوى جرح المغرمين
نرقص مع دفوف الفرح
ونودع الناى الحزين
يارب جمع شملنا
وإنصف قلوب المظلومين
=====
بقلمى سامح توكل أبو السبح

أعجبنيتعليقمشاركة

التعليقات

اكتب تعليقًا...