و محتارة ما بين الاتنين ...! شعر .. بتول العتربي

أنا الدمعة إللى تملا العين
أنا الكلمة مابين قلبين
و محتارة ما بين الاتنين
سنين والفرح ناسينى

أنا نايمة وحلمى كبير
أنا قايمة على التفسير
أنا عايمة لشط أمير
أنا صايمة ومالى غير
حنين شوقى بيحينى
أنا الوردة إللى تقطفها
أنا النسمة وعارفها
أنا البسمة إللى شايفها
أنا الفرحة إللى فى كسوفها
أداريها وح تجينى
أنا بكرة إللى جاى بالضى
أنا أمسك ومالى زى
أنا نهارك وليله حى
أنا دارك وفيها الرى
وباستنى تنادينى
#بتول العتربى

٥