( معرفش انا مين ) بقلم .. عصام ابودنيا

( معرفش انا مين )
،،،،،،،
بصحي من النوم
معرفش أنا مين
مين اهلي،، ومين
اصحابي،، و فين
وأمسك راسي
بإيدي الاتنين
وأغرق في الصمت،،
الوحده،، سنين
هو أحنا صوره ومعكوسه
في مراية الكون !؟
أجسامنا حقيقه،، ولا احنا
خيالات وظنون؟!
ولا احنا نعسنا
وبنحلم في زمن مجنون!؟
وأفضل حيران
معرفش انا مين
وبشوف الكون
بدموع العين
ألقي العصافير
في السما طايرين
والشمس بتغسل
شجر التين
والسما بتصب
النور في العين
بس انا مجهول
معرفش أنا مين!!
،،،،،،،،
عصام ابودنيا
،،،،،،